15 iyun 2019-cu il tarixində saat 18:00-da Heydər Əliyev Muzey-park kompleksində Bakı Şəhər Mədəniyyət Baş İdarəsinin təşkilatçılığı, “Azərbaycan Televiziya və Radio Verilişləri” Qapalı Səhmdar Cəmiyyətinin “Mədəniyyət” televiziya kanalının dəstəyi ilə Bakı şəhər uşaq musiqi və incəsənət məktəblərinin şagirdlərinin iştirakı ilə fləşmob təşkil ediləcək.

Bu barədə Kult.az-a Mədəniyyət Nazirliyindən məlumat verilib.

Qeyd edək ki, 15 iyun – Milli Qurtuluş Gününə həsr olunmuş bu tədbirdə Bakı şəhərində fəaliyyət göstərən uşaq musiqi və incəsənət məktəblərində təhsil alan 1000 nəfərə yaxın birləşmiş xor ifaçısının iştirakı nəzərdə tutulur.