Güney Azərbaycanın Qaradağ meşələrində baş verən yanğını söndürməyə çalışan qaradağlı gənc tanınmış kinorejissor Məhəmməd Əlimuradinin diqqətini çəkib.

Kult.az xəbər verir ki, o, Sirus Fəllah adlı bu gənci “fədakar əkinçi” kimi tanınan məşhur Rizəli Xacəvi ilə müqayisə edib.

Rejissor xatırladıb ki, R.Xacəvi də vaxtilə qatarın dağdan yola düşən daşlarla toqquşmasının qarşısını almaq üçün təkbaşına fədakarlıq göstərmişdi.

Qeyd edək ki, Qaradağ kəndlərindən olan Sirus Fəllah əkinçilik və heyvandarlıqla məşğuldur. O ötən günlərdə Qaradağ meşələrində baş verən yanğını söndürmək üçün öz köynəyini çıxardıb, alovu söndürməyə çalışıb. Bu səhnə fotoqraf Səid Qasiminin kamerasına düşüb.