Bu gün Səməd Vurğun Ev Muzeyində tanınmış qiraətçilər Kamran Yunis və Xəzər Süleymanlının iştirakı ilə "Qrammafon" ədəbi layihəsi çərçivəsində şeir gecəsi keçirilib.

Kult.az xəbər verir ki, mərasimdə Azərbaycan poeziyasında son 1 əsrdə yazılmış ən məşhur sevgi şeirləri səsləndirilib.

Gecədə xalq şairi Vaqif Səmədoğlunun həyat yoldaşı Nüşabə Vəkilova da iştirak edib.

Dinləyicilərə Mikayıl Müşfiq, Musa Yaqub, Vaqif Səmədoğlu, Vaqif Bayatlı, Ramiz Rövşən, Salam Sarvan, Aqşin Yenisey, Fərid Hüseyn və Aqşin Evrənin şeirləri X.Süleymanlı və K.Yunisin canlı ifasında təqdim olunub.

Tədbirin sonunda xatirə fotoları çəkilib.