Türkiyənin elektron ticarət brendi Morhipo komandası bu ilin favorit rəngi olan klassik mavinin istifadəsi ilə bağlı bir sıra detalları açıqlayıb.

Kult.az xəbər verir ki, komandanın araşdırmasına görə, bu rəngdən il ərzində təkcə qarderobda deyil, həmçinin dekorasiya, kosmetika və aksesuarlara qədər bir çox yerlərdə faydalanmaq mümkündür:

“Güclü ton olan kobalt və ya krallıq mavisi bu rənglə qeyri-adi luklar(dəstlər) yaradaraq fərqli görünmək mümkündür. Bundan əlavə, yaşıl, qəhvəyi, krem, ağ və ya digər torpaq tonları ilə mavini dəstləşdirmək olar.

Cizgili naxışlar, parça şalvarlar və babetlərlə küçə stilinizi yaza hazırlaya bilərsiniz. Qara rəngdən imtina edə bilməyənlər də klassik mavi ilə qaranı bir araya gətirə bilər. Başdan-ayağa masmavi geyinmək isə krallıq stili seçimi ola bilər. Bu zaman mütləq mavinin müxtəlif tonlarından ibarət luklar yaradın”.

Makyajda mavidən istifadə edərkən isə mavinin soyuq və pastel çalarlarından uzaq durmaq tövsiyə olunur:

“Əgər mavi tenlərdən istifadə edəcəksinizsə, o zaman makyajınızı daha sadə tonlarla tamamlaya bilərsiniz. Dırnaq boyalarında da mavi tonlara üstünlük vermək olar”.

Mavi rəngdən ev dekorasiyasında istifadə edərkən diqqətli olmaq məsləhətdir:

“Əks halda evinizdə boğucu atmosfer yarada bilərsiniz. Məsələn, divan seçimində mavidən istifadə etmək yerinə düşər, amma bu zaman evin dekorasiyasının mavi ilə uyğun olmasına diqqət edin”.

Qeyd edək ki, Panton Rəng İnstitutu klassik mavini 2020-ci ilin rəngi elan edib. İnstitutunun direktoru Leatris Eysman bu rəng tonunun klassik olmasına görə qərarlılıq və güvən ifadə etdiyini bildirib.