Fransa polisi Parisin cənub-şərqində yerləşən Fontenblo qəsrindən oğurluq etmək istəyən şəxsləri saxlayıb.

Kult.az xəbər verir ki, oğurluğa cəhd edən 6 nəfərdən 5-i İspaniya, 1-i isə Çin vətəndaşı olub.

Saxlanılanlar İmperatriçə Yevgeniyaya məxsus Çin Muzeyində saxlanılan və III Napoleona aid olan qiymətli əşyaları oğurlamaqla bağlı ittihamları rədd edib.

Hüquq-mühafizə orqanları oğurluqda Çin mafiyasının əlinin olduğunu düşünür.

Qeyd edək ki, Fontenblo qəsri 4 il bundan əvvəl də soyğunçuların hücumuna məruz qalmış, III Napoleona məxsus tac da daxil olmaqla, 20-dən artıq qədim incəsənət əşyası oğurlanmışdı.