Məşhur Honkonq aktyoru, prodüsseri, rejissoru Ceki Çan Veibo sosial şəbəkəsindəki hesabında koronavirus əleyhinə dərmanı ixtira edəcək şəxsə milyon yuan ödəməyə söz verib.

Kult.az-ın Report-a istinadla xəbərinə görə, aktyor ümid edir ki, onun vədi preparatın yaradılmasını sürətləndirəcək.

Ceki Çan Çinə öz hesabına qoruyucu geyimlər və tibbi maskalar payladığını bildirib. Aktyorun sözlərinə görə, 1 milyon yuan onun üçün çox da böyük məbləğ deyil.

"Mən boş küçələri görmək istəmirəm, hansılar ki, çiçəklənməlidir. Mən həyatdan zövq almalı insanları kədərli görmək istəmirəm", - deyə aktyor yazıb.