Karantin müddəti ilə əlaqədar olaraq bütün teatrların fəaliyyətinin müvəqqəti dayandırılmasını nəzərə alaraq Bakı Uşaq və Gənclər Teatrı maraqlı bir layihəyə start verib.

Teatrdan Kult.az-a verilən məlumata görə, Bakı Şəhər Mədəniyyət Baş İdarəsinin Bakı Uşaq və Gənclər Teatrı evdən çıxmamaq şərtilə tamaşaları izləyə bilmək üçün yeni bir təşşəbüs irəli sürüb. Belə ki, Bakı Uşaq və Gənclər Teatrının Yutub (Bakı Uşaq və Gənclər Teatrı BUGT), Feysbuk (@BakiUshaqTeatri) və İnstaqram (@bakiushaqgenclerteatri) səhifələri vasitəsilə aşağıda adları qeyd olunan tamaşaları göstərilən tarixlərdə izləmək mükündür:

1. "Qucaqla məni" - 30 mart (31 mart soyqırımına həsr olunub, gənclər üçün)

2. "Dovşanın evi" - 3 aprel (uşaqlar üçün)

3. "Göyçək Fatma" - 7 aprel (uşaqlar üçün)

4. "Əyriqulaq dovşan" - 11 aprel (uşaqlar üçün)

5. "Günahsız günahkarlar" - 15 aprel (insan alverinə qarşı mübarizəyə həsr olunub)

6. "Çay dəstgahı" - 19 aprel (uşaqlar üçün)

7. "Sehrli tütək" - 23 aprel (uşaqlar üçün)

8. "Pəltək cücə" - 27 aprel (uşaqlar üçün)

9. "Kimdir müqəssir" - 1 may (böyüklər üçün)

10. "Humayın yuxusu" - 5 may (uşaqlar üçün) .