Bakı Dövlət Universitetinin Jurnalistika fakültəsinin II kurs rus bölməsinin tələbəsi Ulucay Məmmədov (Ulucay Akif) "Vatan" və "Zaman" qəzetlərinin birgə layihəsi olan Nazim Hikmət Ranın xatirəsinə həsr olunmuş şeir müsabiqəsinin qalibi olub.

Bakı Dövlət Universitetinin mətbuat xidmətindən Axar.az-a verilən məlumata görə, "Gənc şairlərdən sərbəst və qısa şeirlər" layihəsində iştirak edən Ulucay Akif "Bir fincanlıq sevgi" şeiri ilə müsabiqəyə qatılıb və birinci yerə layiq görülüb.

Qeyd edək ki, Ulucay Akif 5 ildir ki, yaradıcılıqla məşğul olur. Azərbaycan Yazıçılar Birliyinin Gənc Ədiblər Klubunun, Türkdilli Gənclər Birliyinin yaradıcılıq departamentinin və "Axın" poeziya klubunun üzvüdür. Bir sıra yerli mətbuat orqanlarında tərcüməçi və jurnalist fəaliyyəti ilə məşğul olur. 2014-cü ildə BDU-da "İlin ən yaxşı tələbəsi" seçilib.

Müəllifinə birincilik qazandıran şeiri oxucularımıza təqdim edirik:

Belki buluşalım, ne dersin?
Seninle bir fincan çay içmek için
Ömrümü feda ederdim inan.
Çay bitdikden sonra gitsen de olur,
Bir fincanlık buluşalım.
Üşüyen ellerimi sıcak fincan,
Kalbimise gülüşün ısıtsın.
Çok şey istemiyorum aslında.
Bir fincanlık sohbet,
Bir kaşıklık mutluluk yeter.