Heydər Əliyev adına sarayda məşhur azərbaycanlı müğənni Sami Yusifin konserti keçirilib.

Axar.az xəbər verir ki, müğənni ilk olaraq Azərbaycan və ingilis dillərində "Sarı gəlin" mahnısını ifa edib. Daha sonra səhnədə görünən Alim Qasımov muğam sədaları ilə mahnını qonaqla duet şəklində oxuyub. Alim Qasımovun ifasından təsirlənən Sami Yusif hörmət əlaməti olaraq onun əlini öpmək istəsə də, xalq artisti buna imkan verməyib.

Daha sonra Sami Yusifin Azərbaycan və ingilis dillərində ifa etdiyi "Küçələrə su səpmişəm" mahnısı da gurultulu alqışlarla qarşılanıb.

2 saata yaxın bir müddətdə fasiləsiz olaraq iyirmidən artıq mahnı səsləndirən Sami Yusif, eyni zamanda müxtəlif alətlərdə də ifa edib.

Həmin konsertdən həvəskar kamerayla qeydə alınan görüntüləri təqdim edirik: