Prezident İlham Əliyevin sərəncamı ilə İlahiyyat İnstitutunun rektoru təyin edilən Aqil Şirinov dərin dini biliyə malik, Azərbaycandakı dini durum barədə kifayət qədər məlumatlı mütəxəssislərdəndir.

Kult.az xəbər verir ki, bunu Milli Məclisin deputatı, Azərbaycan İlahiyyat İnstitutunun sabiq rektoru Ceyhun Məmmədov qeyd edib.

O bildirib ki, Aqil Şirinovla 2 ilə yaxın birlikdə çalışıb:

“İnanıram ki, bu vəzifənin öhdəsindən layiqincə gələcək. Aqil Şirinovu, eləcə də Azərbaycan ali təhsil müəssisələri arasında xüsusi yeri və rolu olan Azərbaycan İlahiyyat İnstitutunun kollektivini bu təyinat münasibətilə təbrik edir, yeni-yeni uğurlar arzulayıram. İnanıram ki, 2 ildə böyük uğurlara nail olmuş bu komanda bundan sonra da eyni ruhla və güclə daha böyük uğurlara imza atacaq”.

Qeyd edək ki, ötən gün Prezident İlham Əliyev Aqil Muxtar oğlu Şirinovu Azərbaycan İlahiyyat İnstitutunun rektoru təyin edib.