Aprelin 3-dən 5-nə kimi Muzey Mərkəzinin Sərgi Qalereyasında Mədəniyyət və Turizm Nazirliyinin dəstəyi ilə rəssam Emil Əzizin "Yuxularım" adlı ikinci fərdi sərgisi keçiriləcək. Sərginin açılışı aprelin 3-ü saat 19:00-da olacaq.

Mədəniyyət və Turizm Nazirliyindən Axar.az-a verilən məlumata görə, sərgidə E. Əzizin üç istiqamətdə 40-dan artıq yeni əsəri nümayiş olunacaq.

Qalereyada "Çəhrayı piano", "Misirin sirləri", "Yağışdan sonra", "Neft yataqları", "Taksim" kimi tablolar da sərgilənəcək.

Media dəstəyi "Büro 24/7 Azerbaijan" və "Nargis Magazine" jurnalına məxsus olan sərgiyə giriş sərbəstdir.

Qeyd edək ki, 1995-ci ildən İstanbula köçən rəssam Türkiyənin əksər sərgi salonlarında təşkil olunan bir çox sərgilərdə iştirak edib.