Jurnalist Əsli Əliyevanın Azərbaycan, rus və ingilis dillərində çap olunmuş "Güllələnmiş uşaqlıq" kitabı bu günlərdə Türkiyədə "Kurşunlanmış çocukluk" adı ilə türkcə yayımlanıb.

Axar.az xəbər verir ki, kitabı türk dilinə Türkiyənin Ərciyəz Universitetinin ermənişünaslıq bölməsinin rəhbəri Qafar Çaxmaqlı tərcümə edib. Kitabda Xocalı faciəsinin şahidi olmuş uşaqların danışdıqları acı xatirələr əsasında erməni faşizminin qanlı terror əməllərindən bəhs edilir.

Qeyd edək ki, Əsli Əliyeva Ərciyəz Universitetinin Şərq dilləri və ədəbiyyatı bölməsinin erməni dili və ədəbiyyatı müəllimidir.