Aprelin 3-də saat 12:00-da Azərbaycan İstiqlal Muzeyinin ekspozisiyasında Cənubi Azərbaycanda baş vermiş 21 Azər Milli Azadlıq Hərəkatının fəal iştirakçısı, Azərbaycan Demokratik Partiyasının yaradıcılarından general Cəfər Kavianın 120 illik yubileyinə həsr olunmuş "İşıqlanan yaddaş" adlı tədbir-sərgi təşkil olunacaq.

Axar.az xəbər verir ki, sərgidə ilk dəfə olaraq Cəfər Kavianın şəxsi əşyaları (hərbi geyim, Səttarxan ordeni, 21 Azər medalı, qılınc və s.), fotoşəkillər, sənədlər nümayiş olunacaq.

Tədbirdə Azərbaycan İstiqlal Muzeyinin direktoru Fəridə Şəmsi, Cəfər Kavianın oğlu Mark Kavian, Azərbaycan Respublikası Baş prokurorun müavini Bəhruz Məmmədov, Əlyazmalar İnstitutunun mətbuat katibi Kərimov Sərvan və digər qonaqlar çıxış edəcəklər.

Qeyd edək ki, C.Kavian 1895-ci ildə Təbriz yaxınlığındakı Salaxan kəndində dünyaya gəlib. Səttarxanın başçılığı ilə 1906-1907-ci illərdəki Məşrutə Hərəkatının fəal üzvü olub.