"Hədəf" Nəşrlərində kadr dəyişikliyi olub.

Senet.az ədəbiyyat və sənət dərgisinin baş redaktoru, "Hədəf" Nəşrlərinin direktoru Müşfiq Xanın Axar.az-a verdiyi məlumata görə, Senet.az ədəbiyyat və sənət dərgisinə yeni redaktor təyin olunub. Bu vəzifəni bu gündən etibarən Rövşən Danyeri icra edəcək. O, bununla yanaşı "Hədəf" Nəşrlərinin mətbuat xidməti katibinin səlahiyyətlərini də yerinə yetirəcək.

Qeyd edək ki, Senet.az ədəbiyyat və sənət dərgisi vasitəsi ilə ədəbi gündəmi izləyə, mədəniyyətin müxtəlif sahələrinə aid yazılarla tanış ola bilərsiniz. Bununla yanaşı "Hədəf" Nəşrləri və "XAN" nəşriyyatında çap olunan son kitablar barəsində məlumat əldə edə bilərsiniz.