Ötən gün çoxdandır böyük intizarla gözlənilan "Yüz kağız" filminin qala gecəsi baş tutub.

Axar.az xəbər verir ki, Nizami Kino Mərkəzində keçirilən təqdimata incəsənətimizin məşhur simaları qoşulub. Qonaqlar arasında Faiq Ağayev, Sənubər İsgəndərli, rejissor Kənan M.M, Fuad Elişov, aktyorlar Rafael İsgəndərov, Coşqun Rəhimov, xalq şairi Söhrab Tahir və digərləri olub.

Şahin Zəkizadənin rejissorluğu ilə çəkilən film dörd ay müddətinə planlasdırılıb və cəmi 21 günə çəkilib. Filmin nümayişindən öncə rejissor tragikomediya janrında çəkdiyi bu filmi Tariyel Vəliyevin xatirəsinə həsr etdiyini vurğulayıb. Rejissor həmçinin bildirib ki, 21 gün çəkən çəkilişlər Bakıda və Şamaxıda aparılıb.

Tədbir jurnalist Sayka Cəhidin təqdimati ilə başlayıb. Gecənin aparıcısı rejissoru, aktyorları və xalq şairi Söhrab Tahiri səhnəyə dəvət edib, onların filmlə bağlı fikirlərini alıb.

Baş rolları xalq artistləri Valeh Kərimov, Cəfər Namiq Kamal, əməkdar artistlər Naibə Allahverdiyeva, Dilarə Əliyeva, Nicat Kazımov, Pərviz Məmmədrzayev, Təvəkkül Əliyev, müğənni Roza Zərgərli və aktyorlar Bəhram Bağırzadə, Azər Axşam, Qurban İsmayılov, Əjdər Zeynalov və başqalarının canlandırdığı filmin ssenari müəllifləri Fərid Rzayev və Sahin Zəkizadədir.