Böyük Britaniyanın Viktoriya və Albert Muzeyinin direktoru professor Martin Rot Bakı şəhərinə səfər edəcək.

Axar.az xəbər verir ki, professor Martin Rot Londonda Təbiətin Mühafizəsi üzrə Beynəlxalq Birliyin "Qırmızı kitab"ının 50 illik yubileyinə həsr edilmiş "Bu gün burada" adlı sərgi çərçivəsində ölkəmizə dəvət edilib. Martin Rot və onu müşayiət edən köməkçisi Yekaterina Taşeva bu ilin 8-10 aprel tarixində Azərbaycanda səfərdə olacaq. Səfərin əsas məqsədi dünyanın ən nüfuzlu muzeylərindən biri olan Viktoriya və Albert Muzeyi ilə əməkdaşlıq əlaqələrinin gücləndirilməsi və Azərbaycan muzey işçilərinin müasir beynəlxalq muzey təcrübəsindən bəhrələnməsidir.

Qeyd edək ki, professor Martin Rot 9 aprel tarixində Azərbaycan Xalça Muzeyi və Milli İncəsənət Muzeyinə baş çəkəcək.