UNİCEF-in xoşməramlı elçisi seçilən məşhur popçu Robbi Uilyams gələn ay Təl-Əvivdə verəcəyi konsertə görə Londonda protest edilib.

Axar.az türk mətbuatına istinadən xəbər verir ki, UNİCEF-in Londondakı bürosunun qarşısında təşkil olunan aksiyada iştirakçılar məşhur müğənninin İsrail konsertini ləğv etməsini istəyib. Aksiya iştirakçıları müğənninin maskalarını taxıb mahnılarının sözlərini dəyişdirərək oxuyublar. Şotlandiyalı mühəndis Rob Lanqlands "Bu konsert ləğv olunmalıdır. Uilyams UNİCEF-in elçisi seçiləndən bir həftə sonra İsraildə konsert proqramı təşkil etdi. Bu qəribə vəziyyət UNİCEF-i zəhərləyəcək", – deyə çıxış edib. Konsertin ləğv olunması üçün fələstinlilər də Uilyamsa müraciət ediblər.

Qeyd edək ki, 41 yaşlı Robbi Uilyams "Robbie Williams: Let Me Entertain You" adlı mahnı və səhnə şousuyla 2 mayda Təl-Əvivdə heyranları ilə görüşməyi planlaşdırır.