"Modern Talking" qrupundan tanıdığımız məşhur musiqiçi və prodüser Tomas Anders kitab yazıb.

Axar.az "Komsomolskaya Pravda"ya istinadən xəbər verir ki, əfsanəvi musiqiçi yazdığı avtobioqrafik kitabda ilk dəfə olaraq öz uşaqlığından, gənclik illərindən və xatirələrindən bəhs edib. Tomas kitabda karyerasının başlamağından və Diter Bolenlə tanışlığından da yazıb.

Mütəxəssislərin fikrincə, Tomas Andersin qələmə aldığı kitab rekord tirajla satılacaq və müğənniyə tez bir zamanda böyük gəlir gətirəcək.

Xatırladaq ki, əsl adı Bernd Veydunq Ballinq olan alman əsilli pop ifaçı 1984-cü ildə Diter Bolenlə tanış olduqdan sonra onunla bir qrup yaradaraq, "You are my heart, you are my soul" mahnısı isə onu bütün dünya arenasında tanıdıb.