Bir neçə gün bundan əvvəl müalicə aldığı xəstəxanada vəfat edən türkiyəli müğənni Kayahanın həyat yoldaşına mirası açıqlanıb.

Axar.az xəbər verir ki, müğənninin son 5 ildə yazdığı və heç kimin eşitmədiyi mahnılarını həyat yoldaşı İpək Acar səsləndirəcək.

Vəfatı ilə bütün Türkiyəni kədərə boğan Kayahan sevənlərinə yüzlərlə mahnı miras qoyub. Müğənni sonuncu albomunu 2009-cu ildə çıxarıb.

5 ildə albom çıxarmayan Kayahanın bu müddətdə çoxlu mahnı bəstələdiyi təxmin edilir. Müğənninin əsərlərini səsləndirəcək olan həyat yoldaşı İpək Acar üzərində titrəyə-titrəyə işlədiyi layihəni payızda satışa çıxaracaq.