Həftəsonu "Oda" Teatrında yeni tamaşanın nümayişi olacaq.

Axar.az-a teatrdan verilən məlumata görə, türkiyəli yazar Müzəffər İzgünün "Sərhəd" əsəri əsasında hazırlanan "Tikanlı məftillər" tamaşasının rejissoru İmam Həsənov, aktyorları Elmin Bədəlov və Niyaz İlyasoğludur.

Tamaşa Neviniya və Seviniya adlı iki simvolik ölkə arasındakı sərhəddə baş verən hadisələr fonunda cərəyan edir. Münaqişə mövzusunda hazırlanmış tamaşada iki düşmən əsgəri üz-üzə dayanıb, hadisələrin gedişatı isə hər ikisinin gözləmədiyi şəkildə baş verir.

Əsəri türk dilindən tərcümə edən Anar Cəfərli, rəssam Qəmbər Qəmbərli, karikaturaçı isə Cavad Qafarovdur. Teatrın afişasını Zaur Hüseynzadə hazırlayıb.

Tamaşa aprelin 11-i və 12-si saat 19:00-da Oda Teatrında olacaq.