Finlandiyada "Gövhəri laməkan mənəm" adlı Azərbaycan poeziya antologiyası çapdan çıxıb.

Axar.az xəbər verir ki, antologiyada Ə.Xaqanidən dövrümüzə qədər Azərbaycan şairlərinin yaradıcılığından nümanələr əks olunub.

Məcmuənin tərtibçisi, redaktoru və təşəbbüskarı Avropa Ədəbi Tərcüməçilər İttifaqının, Tampere şəhəri Yazıçılar İttifaqının və Azərbaycan Yazıçılar Birliyinin üzvü yazıçı Tahirə Cəfərovadır.

Antologiyaya Xaqani, Nizami, Nəsimi, Füzuli, Natəvan, Sabir, Hüseyn Cavid, Mikayıl Müşfiq, Səməd Vurğun, Süleyman Rüstəm, Rəsul Rza, Bəxtiyar Vahabzadə və Nigar Rəfibəyli kimi şairlərin əsərləri daxil edilib. Bundan başqa, kitabda müasir Azərbaycan poeziyasının nümayəndələrindən Vaqif Səmədoğlu, Fikrət Qoca, Ramiz Rövşən, Zəlimxan Yaqub, Sabir Rüstəmxanlı, Vahid Əziz, Məmməd İsmayıl, Çingiz Əlioğlu, Nəsib Nəbioğlu, Kamal Abdulla və Hamlet İsaxanlının da şeirləri yer alıb.

Qeyd edək ki, Azərbaycan poeziyası ilk dəfədir ki, Finlandiyada təqdim edilir.