Argentinalı hakim Alberto Julio Banos Kanadalı pop müğənni Castin Biber haqqında həbs qərarı çıxarıb.

Axar.az xəbər verir ki, müğənni haqqında həbs əmri 2013-cü ildə Buenos Ayresdə baş verən və məhkəməyə qədər gedən bir hadisə ilə əlaqədar ona göndərilən istintaq çağırışına cavab vermədiyinə görə çıxarılıb.

Hakim Banos, Biberlə bərabər onun mühafizəçiləri Hüqo Alsides Hesni və Terrans Reçe Smolsun da dərhal nəzarətə götürülməsini əmr edib.

Xatırladaq ki, Castin Biber və iki mühafizəçisi 2013-cü ildə Buenos Ayresdə bir gecə klubunun çıxışında fotoqraf Dieqo Pesoaya hücum etməkdə günahlandırılır. Hadisədən sonra bir daha Argentinaya getməyən Biberin günahı təsdiqlənərsə, 1 ayla 6 il arası həbs oluna bilər.