Gürcü aktyor Kote Tolordava Moskvada baş tutan film çəkilişi zamanı dünyasını dəyişib.

Axar.az "İnterfax.ru"ya istinadən xəbər verir ki, gürcü aktyor ürək tutmasından dünyasını dəyişib.

Aktyorun ailəsinin mətbuata verdiyi açıqlamaya görə, o, Moskva otellərindən birində ölü tapılıb: "Ölüm səbəbi dəqiq bilinməsə də, onun infarktdan dünyasını dəyişdiyini düşünürük".

Xatırladaq ki, 35 yaşlı aktyor Gürcüstan, Rusiya və Avropa ölkələri filmlərində rol almaqla dünya izləyiciləri tərəfindən ən çox sevilən gürcü aktyorlardan birinə çevrilmişdi.