ABŞ Milli Təhlükəsizlik Agentliyinin sabiq əməkdaşı Eduard Snoudenin büstünün müəllifləri əsərin Fort Qrin parkına geri qaytarılmasını tələb edirlər.

Axar.az "Qardian"a istinadən xəbər verir ki, heykəltəraşlar öz vəkilləri Ronald Kyubi vasitəsilə polisə müraciət ediblər. Onların fikrincə, heykəl bir incəsənət nümunəsi olaraq parkda saxlanılmalıdır. Çünki Nyu York tolerant və azad düşüncəli insanların şəhəridir.

Manhetten Qalereyası isə Snoudenin büstünü sərgiləməyə könüllü şəkildə razı olduğunu açıqlayıb.

Xatırladaq ki, Snoudenin büstü 6 aprel tarixində Fort Qrin parkında tapılıb. Bir neçə saat sonra isə polis heykəli nəzarətə götürüb.