Amerikalı yazıçı Harper Linin köməkçisi Endryu Nürnberq yazıçının növbəti romanının yaxın gələcəkdə işıq üzü görəcəyi ilə bağlı açıqlama yayıb.

Axar.az "Assoşieyted Press"ə istinadən xəbər verir ki, bu kitab Cənubi Koreya, Çin Xalq Respublikası və Türkiyə daxil olmaqla dünyanın 25 fərqli ölkəsində oxuculara təqdim olunacaq. Sözügedən roman bu ilin 14 iyul tarixində satışa buraxılacaq.

Xatırladaq ki, yazıçının sonuncu romanı "Bülbülü öldürmək" 1960-cı ildə işıq üzü görüb və ona dünya şöhrəti qazandırıb.