Bu il roman sahəsində 19-cu "Aydın Doğan" mükafatı Nobel mükafatlı yazıçı Orxan Pamuka verilib.

Axar.az türk mətbuatına istinadən xəbər verir ki, "Aydın Doğan" vəqfinin qurucusu və rəhbəri Aydın Doğan 50 min lirəlik pul mükafatını və heykəlciyi Pamuka təqdim edib. Təqdimatda çıxış edən yazıçı mükafatı aldığına görə çox məmnun olduğunu və türk romanının parlaq gələcəyinə inandığını deyib.

Qeyd edək ki, Orxan Pamuk "Aydın Doğan" mükafatını 6 fevral tarixində qazanıb. Mükafat türk romanını dünyada təmsil edən usta adlar içində olduğuna görə səs çoxluğu ilə Orxan Pamuka verilib.