Türkiyə Baş naziri Əhməd Davudoğlu dünyasını dəyişən yazar Yaşar Kamalın həyat yoldaşına başsağlığı ziyarətinə gedib.

Axar.az xəbər verir ki, başsağlığı ziyarəti ilə əlaqədar məlumatı Davudoğlu özü Tvitter sosial şəbəkəsindəki hesabında paylaşıb.

Baş nazir yazıb:

"Bu səhər bir müddət bundan əvvəl itirdiyimiz ədəbiyyat çinarı Yaşar Kamalın evinə başsağlığı ziyarətinə getdik. O nəhəng əsərlərini qələmə aldığı məkanda böyük yazarın xatirəsini yad etdik. Qiymətli həyat yoldaşı Aişə Semiha xanıma zərif ev sahibliyinə görə ayrıca təşəkkür edirəm".

Xatırladaq ki, Yaşar Kamal fevralın 28-də uzun müddətdir əziyyət çəkdiyi xəstəlikdən müalicə aldığı xəstəxanada vəfat etmişdi.