68-ci Kann festivalının təşkilatçıları münsiflər heyətinin tərkibini açıqlayıb.

Axar.az festivalın rəsmi saytına istinadən xəbər verir ki, festivalın əsas qalibini müəyyənləşdirəcək münsiflər heyəti doqquz nəfərdən ibarət olacaq. Sözügedən siyahıda amerikalı aktyor Cek Cillenhol, britaniyalı aktrisa Sienna Miller, ispan aktrisa Rossi de Palma, fransız aktrisa və rejissor Sofi Marso, meksikalı rejissor, ssenarist və prodüser Gilermo del Toro, kanadalı rejissor, ssenarist, aktyor və prodüser Ksavye Dolan və bəstəkar-müğənni Mali Rokia Traore yer alıb.

Qeyd edək ki, 68-ci Kann festivalı 13 mayda start götürəcək və 24 maya qədər davam edəcək.