Türkiyəli məşhur rejissor və prodüser Tolqay Ziyal 76 yaşında vəfat edib.

Axar.az xəbər verir ki, bu ağrılı xəbəri Türk Sənət Musiqisinin məşhur ifaçılarından olan Onur Akay Tvitter sosial şəbəkəsindəki hesabından verib.

Onur Akay ağır hadisə barədə xəbəri bu sözlərlə ifadə edib: "Dəyərli sinema ustası Tolqay Ziyal vəfat edib. O, həqiqətən bir epoxa idi və o epoxa bitdi! Məkanı cənnət olsun".

Ölüm xəbərini eşidən məşhur komediya ustası Cem Yılmaz isə mərhum rejissorla fotosunu paylaşaraq bu sözləri yazıb: "Kinomuzun əfsanəvi rejissor assistenti, dəyərli sinemaçı qardaşımız Tolqay, səni həmişə hörmətlə yad edəcəyik".