Amerikalı aktyor və musiqiçi, 2 dəfə "Oskar" nominantı Robert Dauni ötən gün "Channel 4"-ün qonağı olub.

Axar.az "Dailymail"ə istinadən xəbər verir ki, "Avengers: Age of Ultron" (Qisasçılar: Ultron Dövrü) filminin baş rollarından birini ifa edən aktyor filmlə bağlı müsahibə verib. Veriliş zamanı aparıcı Krişna Quru-Murtinin Hollivud ulduzuna ünvanladığı sual onu qəzəbləndirib.

Belə ki, Robert aparıcının "Əvvəllər narkotikdən istifadə etdiyiniz və bu səbəbdən çoxsaylı problemlər yaşadığınız məlumdur. Bu barədə nə deyə bilərsiniz" - sualını cavabsız qoyub.

Aktyor aparıcıya "Bye-bye" (hələlik) deyərək çəkiliş məkanından uzaqlaşıb. Dauninin bu hərəkəti çoxları tərəfindən rəğbətlə qarşılansa da, bəzi Britaniya qəzetləri onu jurnalistə etdiyi hörmətsizliyə görə qınayıb.