"Universal" şirkətlər qrupu qalmaqallı "Bozun əlli çaları" filminin ikinci hissəsinin ictimaiyyətə təqdim olunacağı tarixi açıqlayıb.

Axar.az Hollivud Reporter-ə istinadən xəbər verir ki, trilogiyanın növbəti seriyası 2017-ci ilin fevral ayının 10-da izləyicilərə təqdim olunacaq. Son zamanlar E.L.Ceymsin kitabın digər hissələrini yazarkən həyat yoldaşının köməyindən istifadə etməsi ilə bağlı xəbər mətbuatda xüsusi marağa səbəb olmuşdu.

Qeyd edək ki, ekranlaşdırıldıqdan bəri dillərdən düşməyən, birinci bölümüylə 500 milyon dollar gəlir əldə edən "Bozun əlli çaları" filminin İngiltərədə doğum sahəsində artıma səbəb olması haqda yerli mətbuatda xəbərlər yayılmışdı.