Azərbaycan yazıçısı Qurban Səidin eyniadlı romanı əsasında ekranlaşdırılan "Əli və Nino" filminin İstanbulda çəkilişləri davam edir.

Axar.az xəbər verir ki, Türkiyənin tanınmış aktyorları Halit Ərgənç və Erkin Koçun da rol aldığı filmin İstanbul çəkilişləri iki həftə davam edəcək. Aktyor Halit Ərgənç "Möhtəşəm yüz il" filmindən sonra ilk dəfə kamera qarşısına keçib. Onun yeni görüntüsü hər kəsdə təəccüb doğurub.

Xatırladaq ki, filmdə baş rolları Adam Bakri (Əli) və Maria Valverde (Nino) ifa edirlər. Ekran əsərinin icraçı prodüseri Leyla Əliyeva, quruluşçu rejissoru Kris Tikyer, ssenari müəllifi Kristofer Hemptondur.