"Dünya Azərbaycana etibar edir".

Bu sözləri Bakı-2015 İlk Avropa Oyunları ilə bağlı danışan xalq artisti Arif Quliyev Axar.az-a bildirib:

"Avropa oyunlarının Azərbaycanda keçirilməsi ölkəmizin geniş imkanlara malik olmasının sübutudur. Bizdə hər şey yüksək səviyyədədir. Ölkəmiz belə genişmiqyaslı oyunlara ev sahibliyi etməyə hazırdır. Azərbaycanın güclü ordusu kimi, güclü idman potensialı da var. Dünya Azərbaycana etibar və etimad göstərib, Avropa oyunlarının Azərbaycanda keçirilməsinə razı olub. Dünyanın bir çox aparıcı dövlətlərindən olan idman ustalarını, jurnalistləri qarşılayacaq və uğurla yola salacağıq".

Xatırladaq ki, 12-28 iyun tarixində ölkəmizdə keçiriləcək Birinci Avropa Oyunlarına 43 gün qalıb.