Ana səhifə Kult |
Mərhum poliqrafçı, görkəmli ziyalı Əjdər Xanbabayevin 1990-cı il yanvarın 22-də Qanlı Yanvar hadisələri şəhidlərinin dəfnindən qayıtdıqdan sonra yazdığı şeirin əlyazısının surəti üzə çıxıb.
Kult.az xəbər verir ki, nüfuzlu ziyalılarımızdan olan “Azərnəşr”in direktoru Əjdər Xanbabayev yanvar qətliamından bir neçə ay sonra - 1990-cu il may ayının 30-da Bakının mərkəzindəcə, naməlum şəraitdə qətlə yetirildi.
Ə.Xanbabayevin yaxınlarının redaksiyamıza göndərdiyi şeiri təqdim edirik:
Az sinə gərmədik müsibətlərə
Vətən çox itirdi dayaqlarını.
Göylər də sallayıb səmadan yerə
Ay-ulduz çəkilmiş bayraqlarını.
Sənə təbiət də yas tutur bu gün
Tufanla, boranla, qarla, yağışla.
Qismətin olmadı sənin toy-düyün
Vətən vida deyir sənə, bağışla.
Bağışla ey şəhid, barmağındakı
Nişan üzüyündə qan ləkəsinə
Bağışla nurani şeyxüsilamın
Müqəddəs surəli çərəkəsinə.
Tarix
2021.01.20 / 14:17
|
Müəllif
Kult.az
|