Rusiya gözəllik kraliçası Sofiya Nikitçukun bayrağa sarılaraq poza verməsi ona böyük problem yaradıb.

Axar.az xəbər verir ki, bir müddət əvvəl "Miss Rusiya" ünvanına sahib 21 yaşlı gənc qadının dikdaban ayaqqabı, başında kraliça tacı və rus bayrağına sarılmış halda çəkdirdiyi foto "Stolnik" jurnalının üz qabığı olub. Bundan sonra Nikitçuk haqqında rus simvollarını təhqir etdiyinə görə istintaq başladılıb.

Jurnalın nəşriyyat redaktoru Anna Reşyotkina "Moskva Taymz" qəzetinə verdiyi müsahibədə jurnal çap olunan kimi prokurorluğa çağırıldığını bildirib. Reşyotkina fotonun jurnalın üz qabığı olmasına görə bütün məsuliyyəti özü daşıdığını da qeyd edib. "Stolnik" jurnalından verilən açıqlamada isə 1.78 sm boyu olan modelin soyunub Rusiya bayrağına sarılmadığı, bayraq rənglərində paltar geydiyi bildirilib.

Qeyd edək ki, Sofiya Nikitçuk o pozanı jurnalın SSRİ-nin faşizm üzərində qələbəsinin 70-ci ilinə həsr olunmuş sayı üçün verib.