Yaşadığı mənzildə partlayış baş verməsi nəticəsində xəsarət alaraq xəstəxanaya yerləşdirilən Abdulla Şaiq adına Azərbaycan Dövlət Kukla Teatrının aktyoru Cavid Telmanın səhhəti normaldır.

Bunu Kult.az-a açıqlamasında aktyorun qardaşı Fuad İbrahimov deyib.

“Cavid palataya köçürülüb, özünü yaxşı hiss edir. Artıq heç bir həyati təhlükəsi yoxdur. Əlləri yandığı üçün hələlik sarğıdadır, ona görə telefon işlədə bilmir”, - o bildirib.

Fuad İbrahimov Cavid Telmanın səhhəti ilə mütəmadi maraqlandığı üçün teatrın direktoruna və sənət dostlarına da təşəkkür edib.

Qeyd edək ki, 36 yaşlı C.Telman fevralın 22-də evində baş verən partlayış nəticəsində yanıq xəsarətləri ilə 5 saylı Şəhər Klinik Xəstəxanasının reanimasiya şöbəsinə yerləşdirilib.