ABŞ-ın Nyu York ştatındakı Klinton həbsxanasında dünya kinematoqrafiyasının əfsanəsi "Şouşenkdən qaçış" filmindəki hadisələr reallaşıb.

Axar.az xarici mətbuata istinadən xəbər verir ki, iki məhkum – 48 yaşlı Riçard Mett və 34 yaşlı Devid Svit öz kameralarının divarını dələrək binanın kanalizasiya sisteminə çıxmağa müvəffəq olub və nəticədə kanalizasiyanın küçəyə açılan tərəfi ilə həbsxanadan qaçmağı bacarıblar.

Həbsxana səlahiyyətliləri Riçardla Devidin divarı dələ bilmək üçün hansı alətdən istifadə etdiklərini və onu kimdən aldıqlarını ortaya çıxarmaq üçün yeni araşdırma başladıb.

Qeyd edək ki, Nyu Yorkun şimalında yerləşən bu həbsxanadan 150 il ərzində heç bir məhkum qaça bilməmişdi.

Stiven Kinqin romanının ekran əsəri olan "Şouşenkdən qaçış" filmində məhkumlardan biri kiçik bir alətlə bir neçə il kamerasının divarında dəlik açır. Dəlik istədiyi uzunluqda və dərinlikdə olanda bu dəlik vasitəsilə kanalizasiya borusuna çıxır və qaçmağa müvəffəq olur.

Sözügedən film 7 "Oskar" mükafatına layiq görülüb.