İyunun 30-da C.Cabbarlı adına İrəvan Dövlət Azərbaycan Dram Teatrında türk yazıçı Dəmət Çizməlinin əsəri əsasında hazırlanmış "Cümhuriyyətin ilk sədası" adlı tamaşa nümayiş etdiriləcək.

Axar.az xəbər verir ki, gənc rejissor Nicat Mirzəzadənin quruluş verdiyi tamaşa 1919-1923-cü illərdə Türkiyədə baş verən hadisələrdən bəhs edir. Atatürk obrazını Natiq Həziyev, Qarabəkir paşanı Əhliman Ərşadlı canlandıracaq. Digər rolları isə əməkdar artist Vaqif Kərimov, aktyorlar Elçin Hacıyev, Rövşən Cəfərov və başqaları oynayacaq.

Qeyd edək ki, bu tamaşa ilə 133-cü teatr mövsümünə yekun vurulacaq.