Uitni Hyustonun bu il yanvarın 31-də hamam otağında huşunu itirmiş vəziyyətdə tapılan və bugünədək komada olan 22 yaşlı qızı Bobbi Kristina Braun aylardır aldığı müalicəyə heç bir reaksiya verməyib.

Axar.az xəbər verir ki, aparata bağlı halda yaşayan Braunun son yaşam ümidləri tükənmək üzrədir.

Hyuston ailəsi gənc qızın rahat şəkildə ölməsi məqsədi ilə onu evinə aparmaq istəsə də, atası Braun bu qərara qarşı çıxır.

Qeyd edək ki, Uitni Hyuston da 48 yaşında 2012-ci ilin fevralında Los Ancelesdə hamam otağında ölmüşdü. Bobbi Kristina Braun mərhum müğənninin yeganə övladıdır.