Hollivud aktyoru Arnold Şvartsenegger "Terminator" seriyasının premyarası olacaq beşinci filminin reklam kampaniyasını davam etdirir.

Avropa.info xəbər verir ki, Kaliforniyanın sabiq qubernatoru Terminator kimi qrimlənərək Hollivudun küçələri ilə gəzib, Madam Tüsso muzeyində öz mum fiqurunun yerində dayanıb.

Arnold kiborq obrazında şəhərə çıxaraq, yoldan keçənlərlə kompüter səsi ilə danışıb. Onu görən bir çox Hollivud sakini və turist inana bilməyiblər ki, qarşılarında dayanan əsl Şvartseneggerdir. Bir çox adam qorxaraq qaçıb.