Azərbaycan Yazıçılar Birliyində xalq yazıçısı Anarın iştirakı ilə keçirilən toplantıda yeni qərar qəbul edilib.

Axar.az xəbər verir ki, böyük dramaturq Cəfər Cabbarlının ədəbi-bədii irsinin tədqiqi və təbliği sahəsində sistemli fəaliyyət göstərmək, elmi konfranslar, müsabiqələr keçirmək, kitablar, bukletlər hazırlamaq, təqdimat mərasimləri, qiraət yarışları təşkil etmək, qalibləri mükafatlandırmaq məqsədilə AYB tərkibində Cəfər Cabbarlı Komissiyası yaradılıb.

Komissiyanın tərkibində bu şəxslər yer alıb:

Asif Rüstəmli – AMEA Nizami adına Ədəbiyyat İnstitutunun şöbə müdiri.

Qəmər Seyfəddinqızı – Cəfər Cabbarlı ev muzeyinin direktoru.

Gülşən Əliyeva–Kəngərli – ADMİU-nun prorektoru.

Tahirə Məmməd – AMEA Nizami adına Ədəbiyyat İnstitutunun şöbə müdiri.

Süleyman Kaan Yalçın – Türkiyənin Fırat Universitetinin dosenti.

Elnarə Akimova – AMEA Nizami adına Ədəbiyyat İnstitutunun elmi işçisi.