"Netfliks" şirkəti İngiltərə Kraliçası II Yelizaveta haqda serial çəkir.

Axar.az "Qazeta.ru"ya istinadən xəbər verir ki, "Tac" ("The Crown") adlanacaq film Kraliça II Yelizavetanın həyatından və onun idarəçiliyindən bəhs edəcək.

"Tac" serialı videoservis şirkətinin Böyük Britaniya ərazisində reallaşdıracağı ilk layihə olacaq.

Mətbuata verilən məlumata görə, kraliçanı aktrisa Kler Foy canlandıracaq. Filmdə müxtəlif dövlət rəhbərləri də rol alacaq. Şahzadə Filipp rolunu Mett Smit, Çörçill rolunu isə Con Litqou ifa edəcək.

Serialın ilk sezonu 10 seriyadan ibarət olacaq və 2016-cı ildə izləyicilərə təqdim ediləcək.