İyunun 26-da Azərbaycan Dövlət Kukla Teatrında "Çəkməli pişik" tamaşasının premyerası olacaq.

Axar.az xəbər verir ki, fransız şair Şarl Perronun nağılı əsasında hazırlanan tamaşaya Anar Məmmədov rejissorluq edir. O, tamaşanı yeni obrazlar və mətnlərin əlavəsi ilə fərqli formada – müasir uşaqların başa düşəcəyi tərzdə təqdim edəcək. Birhissəli tamaşanın quruluşçu rəssamı Rəvanə Yaqubova, bəstəkarı əməkdar incəsənət xadimi Cahangir Zülfüqarovdur.

Rolları əməkdar artist Rəhman Rəhmanov, aktyorlar Tamilla Bünyatova, Rəhim Rəhimov, Cavid Telman və başqaları canlandıracaq.