Yuxarı

SOS: Bu çimərlikdə nəfəs almayın!

Ana səhifə Kult
12 Punto 14 Punto 16 Punto 18 Punto

Koronavirus pandemiyasına görə beynəlxalq turizmin 85% itirdiyi haqda az öncə beynəlxalq agentlik rəsmi statistika paylaşıb. Bunun əvəzində isə daxili turizmin sürətlə inkişaf etdiyi bildirilib.

Təbii ki, belə də olmalı idi: əgər insan istirahət etməyə xaricə gedə bilmirsə, ölkə daxilində istidən qaçmaq və yaxud məzuniyyətini keçirmək barədə düşünür.

Bölgələrdə qiymətlərin od tutub yandığı haqda məlumat vermişdik. Yəqin ona görə əksəriyyət həm yaxınlığına, həm də hər fürsətdə getmək imkanına görə Xəzər çimərliklərinə üz tutur.

Bəs, burda qiymətlər necədir?

Reklam olmaması üçün ad çəkməyək: Şıx çimərliyində orta xərc belədir:

1. Giriş – adambaşı 3 manat

2. Bir ailə üçün “söhbətlik” (bisetka) – 30 manat (alternativ də var: günlük – 10 manat)

3. Çay – 4 manat

Restoranın xidmətindən imtina etmək də mümkündür. Özünüzlə qida götürə və yaxud yaxınlıqdan zəruri qidalar ala bilərsiniz.

Beləliklə, bir ailənin (4 nəfərlik) Xəzər dənizinin sahilinə çatması 22-42 manatadır. Bundan sonra qida və su xərcləri başlayır ki, bu da təxminən 80 manat edir. Bura ictimai nəqliyyatın işləmədiyini nəzərə alıb, nəqliyyat xərcini də əlavə etsək, minimum 100 manatla Xəzərin sahilində bir neçə saat sərinləmək olar.

Bəs, pullu çimərliyin fərqi nədir?

Şıx ərazisində pullu çimərliyin fərqi daha çirkli olmasındadır. Sudan neft və neft məhsullarından tutmuş qoyun yununa qədər, nə istəsən, tapmaq mümkündür. Təxminən sahildən 40-50 metrlik dərinliyi və 100 metrlik eni – 500 kv.metrəni normal şəkildə, ən azı toyuq lələklərindən, qoyun yunundan, sellofandan, suyun üzünə qalxan yosunlardan təmizləmək mümkündür. Ancaq bütün bunlar sahibkarların ağlının ucundan belə keçmir. Onları Bakının istisindən qaçıb gələnlərin “lələklərini” yolmaq düşündürür, toyuq lələklərini dənizdən təmizləmək yox.

Dənizdə bu çirkaba batandan sonra duş qəbul etmək istəsəniz, problem yoxdur: qırıq krantdan gələn sısqa və buz kimi dəniz suyunun altında qumdan təmizlənib, yenidən mamıra, yosuna və mazuta batmaq xoşbəxtliyi əldə edə bilərsiniz.

Kanalizasiya və mazutun qarışdığı, yəqin ki, dünyanın heç bir yerində olmayan unikal və füsunkar qoxudan boğulmaq şansınız da var. Çalışın, Şıx tərəflərdə olanda nəfəs almayasınız.

Əlbəttə, daha təmiz suyu olan pullu çimərliklərimiz də az deyil. Ancaq ordakı qiymətlər və yol xərcləri daha bahadır.

Xoş istirahətlər...

Tarix
2021.07.22 / 17:58
Müəllif
Şeyx Teymur
Şərhlər
Digər xəbərlər

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

Ceyhun Bayramov Türkiyə xalqını təbrik etdi

Şeytan yuvası yerlə-yeksan edildi - Prezident

Prezident Xankəndi ilə bağlı mühüm faktları açıqladı

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla