13-14 noyabr saat 20:00-da “Avanqard” kamera orkestrinin "Musiqili Proyektor" multimedia konseri keçiriləcək.

Kult.az xəbər verir ki, musiqili tədbir DTX-nın Mədəniyyət Mərkəzində baş tutacaq.

Tədbir ərzində “Avanqard” kamera orkestrinin ifasında ən çoxsevilən milli kinofilmlərin saundtrekləri yeni aranjimanla ilk dəfə olaraq təqdim ediləcək. Proqramda “Dərviş Parisi partladır”, “Sehirli xalat”, “Alma almaya bənzər”, “Baladadaşın ilk məhəbbəti” və s. filmlərdə səslənən musiqilər yer alacaq.

Qeyd edək ki, layihə “Azərbaycanfilm” kinostudiyasının, “CinemaPlus” kinoteatr şəbəkəsinin və Gənclər Fondunun dəstəyi ilə keçiriləcək.