"Rust" filminin çəkiliş meydançasında operator və rejissoru güllələyən aktyor Alek Bolduinin bir neçə il əvvəl sosial şəbəkədə paylaşdığı tvit gündəm olub.

Kult.az xəbər verir ki, o, 2017-ci ildə təsadüfən bir nəfəri öldürən polislə bağlı xəbəri paylaşıb.

“Təsadüfən kimisə öldürən adamın nə hiss etdiyini təsəvvür edə bilmirəm”, - deyə aktyor paylaşımında qeyd edib.

Qeyd edək ki, məşhur Hollivud aktyoru Alek Bolduin Nyu Meksikoda "Rust" filminin çəkiliş meydançasında təsadüfən operator və rejissoru güllələyib. Çəkiliş meydançasında olan aktyorlar boş patronlardan atəş açmalı idilər, lakin patronlar real olub.