Bakıda aşıq poeziyasının böyük sənətkarlarından olan Aşıq Ələsgərin xatirəsinə 200 illik yubileyi münasibətilə abidə ucaldılacaq.

Bu barədə Mədəniyyət Nazirliyinin Mətbuat Xidməti tərəfindən Kult.az-ın sorğusuna cavab olaraq bildirilib ki, Bakı şəhər İcra Hakimiyyəti ilə aparılan danışıqlar nəticəsində abidənin yeri müəyyənləşdiriləcək.

“Ən qısa müddətdə Aşıq Ələsgərin xatirəsinin əbədiləşdirilməsi məqsədilə açıq heykəltəraşlıq müsabiqəsi keçiriləcək. Heykəltəraşlar tərəfindən təqdim edilən eskiz-layihələrə Ekspert Komissiyası tərəfindən baxıldıqdan sonra abidənin hansı heykəltəraş tərəfindən hazırlanacağı da məlum olacaq”, - açıqlamada qeyd olunub.