Uzun zamandır insultdan əziyyət çəkən meyxanaçı Ağakərim Novruzovun son görüntüləri sənət dostlarını göz yaşına boğub.

Kult.az xəbər verir ki, aparıcı Zaur Kamal meyxanaçının evində çəkiliş edib.

Ağakərim Novruzov Zaur Kamalı tanımayıb. Meyxanaçı müsahibə verməyə çətinlik çəkib.

Onun oğlu Kamil Novruzov bildirib ki, meyxanaçı 2 ildir yataq xəstəsidir:

“İnsult keçirdi. Şəkəri də var idi. Axşam yatdı, səhər duranda halı həminki deyildi. Mən heç kimə qadağa qoymuram. Gəlmək istəyən bir kəlmə zəng etsin. Qapımız həmişə açıqdır. Bu gündən sonra meyxana deməyi lazım deyil. Başımızın üstündə olsun, bəsdir”.