Bir neçə gün öncə meyxanaçı Ağakərimi ziyarət etməyə gedən, ancaq qapının üzünə açılmadığını bildirən və qapı ağzından video yayan qiraətçi Nazilə Səfərli sensasion iddia ilə çıxış edib.

Kult.az xəbər verir ki, Nazilə Səfərli Maştağada Ağakərim Novruzovun evinin önündən yaydığı videoya cavab verən meyxanaçının oğlu Kamilin iddialarına sərt reaksiya göstərib.

O, Kamili qapını açmağa cəsarəti olmayan “səy gedə” adlandırıb və onu atasının xəstəliyindən sui-istifadədə günahlandırıb:

“Atasının xəstəliyindən istifadə edib mülklərini satan bivec oğul! Psixotrop iynələri yazığın canına doldurursuz ki, ayılmasın, bağı 150 minə satdığınızdan xəbəri olmasın?”

Bu ittihamlara Kamil cavab verməyib.

Ağakərimin yaxın dostu Ağamirzə Məmmədov isə bu məsələlərdən xəbəri olmadığını bildirib:

“Mənim həqiqətən xəbərim yoxdur, məni söhbətə qatmayın. Nazilə Səfərli aləmi niyə qatır, bilmirəm... Oğlu ilə əlaqə saxlayın.

Öz işlərimə başım qarışıb. Dostumu ziyarət etmək istəyəndə bir-iki gün əvvəlcədən oğlu Kamil və ya bacısı oğlu ilə danışırıq, sonra gedib onu görə bilirəm. Vəziyyəti çox pisdir”.