18 May Beynəlxalq Muzeylər Günü münasibətilə Azərbaycanda bir sıra muzeylər tədbir proqramı ilə çıxış edəcək.

Kult.az Mədəniyyət Nazirliyinə istinadən xəbər verir ki, mayın 17-si saat 14:00-da Bülbülün Memorial Muzeyində Bülbül adına orta ixtisas musiqi məktəbinin konserti baş tutacaq. Həmin gün eyni saatda, Abdulla Şaiqin mənzil muzeyində “Yaxşı arxa” adlı kukla tamaşası nümayiş olunacaq. Saat 17:00-da isə Azərbaycan Musiqi Mədəniyyəti Dövlət Muzeyi “Şuşa musiqiçiləri” adlı sərgini təqdim edəcək.

Mayın 18-də Azərbaycan Milli İncəsənət Muzeyində (saat 10:00) “Muzeydə gecə” adlı tədbir, Azərbaycan İstiqlal Muzeyində (12:00) “Könlüm keçir Qarabağdan” adlı konsert proqramı, Abdulla Şaiqin mənzil muzeyində (14:00) “Danışan eksponatlar rəqəmsal təqdimatda” adlı tədbir keçiriləcək. Elə həmin gün saat 18:00-da Cəfər Cabbarlı adına Azərbaycan Dövlət Teatr Muzeyində “Xan qızı” adlı teatrallaşdırılmış ədəbi-bədii kompozisiyanın təqdimatı baş tutacaq.